Bihurrikeriak

Pasa den asteko Igandean esan nizuen bezala, Euskadiko txapelketa izan zen. Aurten, kalitate obeko lasterketa izan dugu, izan ere, ni eta nire lagunak joan gara. Jakintza Ikastola, bigarren geratu da taldeko sailkapenean eta Oianguren, lehenengo! Ordizia ezin hobeto, Euskadiko lehenengo!
Hasteko, lasterketa Zornotzan izan zen. Hara iritsi ginenean, euria ari zuen baina gero atertu egin zuen. Lasterketa, gogorra izan arren, oso polita da. Belarretan korri egiten da eta bi aldapa daude. Mutilok, 4.500m korritu genituen eta Asier Intsausti izan zen garaile. Neskek berriz, 2.500m korritu zituzten eta Sara Intsausti izan zen garaile. Lagunen artean, Alexander Oiarbidek egin zuen lehenengo, bigarren nik, hirugarren Xabier Madrazok, laugarren Iñigo Etxarrik, bosgarren Karim Ben Miloudek eta seigarren Beñat Ventureirak.
Lasterketa amaitu ondoren, autobus batek, dutxatzera eraman gintuen Zornotzako kiroldegira eta dutxatu ondoren autobusa hartzera joan ginenean… Bertan ez zegoen autobusik!!! Han egon ginen zer egin pentsatuz eta batzuk auto stop egiten hasi ziren. Denbora bat pasa ondoren etorri zen autobusa eta saria jasotzera joan ginen, izan ere, lehen esan dizuedan bezala, Jakintza ikastolak bigarren egin zuen taldeka.
Amaitzeko esan beharra daukat animatzen zaituztedala korri egitera, oso ondo pasatzen baita krosetan.

|2 Iruzkin| zabaldu| del.icio.us| harpidetu|Gora   

Igandean, oscar sari banaketa izan zen holliwood-en. Nik ez dut horrenbeste jarraitzen zinearen mundua baina aurten jakin nahi nuen ea nork irabazten zuen film onenaren saria.
Entzun nuenez, Babel oso film ona zen eta askok horrek irabaziko zuela pentsatzen zuen baina bakarrik sari bat eraman zuen: musika onenaren saria. Hemen daude beste sarituak:
Film onena: Infiltrados
Zuzendari onena: Martin Scorsese
Aktore onena: Forest Whitaker
Aktoresa onena: Helen Mirren
Film labur onena: West bank story
Gainera, Borja Cobeaga donostiarra nominatua zegoen, film labur onena irabazteko “Eramos pocos” filmagatik. Nik ez dut film labur hori ikusi baina esaten dutenez oso ona da, baina azkenean ez du oscarrik irabazi. Ez dut uste asko axola dionik horrek, izan ere, Califormiara joatea oscar lehiaketara ez da gutxi. Gainera datorren urtean bozkatzeko aukera izango du.
Zorionak Borja!!!

|2 Iruzkin| zabaldu| del.icio.us| harpidetu|Gora   

Ni, bihurra izan ez ezik, kirolaria ere banaiz nire ia lagun guztiak bezala. Urtero, ikastolarekin, krosetan hartzen dugu parte. Asko gustatzen zaigu (niri behintzat bai) krosetan parte hartzea eta gainera nahiko postu honetan amaitzen dugu lasterketa.
Normalean krosetara joaten garenak hauek gara: Pablo, Unai, Beñat, Karim, Iñigo Etxarri, Alexander eta ni. Urtero joaten garenez, geroz eta hobeto egiten dugu.
Lehen krosa beti Irungoa izaten da, niri gutxien gustatzen zait izan ere oso bide estua du. Bigarrena, Eibarkoa eta hori asko gustatzen zait, gehienetakoa. Hirugarren krosa, Azpeitian izaten da eta orain, lehen baino politagoa da, izan ere, korri belarretatik egiten dugu. Laugarren krosa Elgoibarkoa izaten da eta hurrengoa Lasartekoa. Azken beti, Gipuzkoako txapelketa izaten da eta aurten Hernanin izan da.
Hori, duela astebete gertatu zen eta Jakintzakoak, hau da guk, oso ondo amaitu genuen. Taldekako txapelketan bigarrenak geratu ginen eta “podium” egiten zuenak Euskadiko txapelketara joaten zirenez, SAILKATU EGIN GINEN!!!
Hori gutxi balitz, kopa bat ere ekarri genuen eta nik izan nuen etxera ekartzeko ohorea, lehena egin bainuen taldean. Lastima da gero ikastolara eraman beharra zegoela.
Euskadiko datorren igandean da Zornotzan. Ikaragarrizko gogoa dugu joateko eta oso ondo pasako dugula espero dut baina sufritu ere egin beharko dugu 4000m egiteko.
Nahi baduzue anima zaitzakete guri animatzera hori bai, kotxea eraman beharra dago.
EUSKADIKO TXAPELKETARA

|2 Iruzkin| zabaldu| del.icio.us| harpidetu|Gora   

Denok dakizuen bezala, nik arreba bat dut eta bestela ikusi ezazue “zer da hau?” jartzen duen tokian. Ba atzo bertan bere bloga sortu zuen! Iratiren gauzak bloga!!!
Bertan bere gauzetaz hitz egiten du, batez ere berak egiten dituen kirolei buruz. Blog oso polita da eta merezi du ikustea. Noski oso irakasle ona eduki du eta horrek asko lagundu dio. Dagoeneko hiru gauza idatzi ditu. Gainera, atzo inauterietara joan ginen eta nola pasa genuen esaten du.
Joan ikustera!!!

|iruzkin 1| zabaldu| del.icio.us| harpidetu|Gora   

Gogoratzen zarete Gaintzan estralurtarrak izan zirela? Ba oraingoan ez dira Gaintzara joan, ez, jakintza Ikastolara baizik! Nik ikasten dudan lekura! Harrigarria izan da.
Ni, klasean nengoen lasai-lasai eta komunera joateko gogoa etorri zitzaidan. Irakasleari galdetu nion ea komunera joaterik neukan eta esan zidan baietz. Komunera joan nintzen eta egin beharrekoak egin eta gero… hara non ikusi nituen hiru tipo berde! Ni beldurrez jota nengoen esan zidatenean:
- Non dago IKT gela. Bertara joan nahi dugu -bere ahots arraro batekin noski, pelikuletan bezala- Guk ere blog bat dugu eta zuen berdina izatea nahi dugu. Eman teknologia guztia.
Ni harrituta geratu nintzen. Baina suertez ez nuen pentsatzeko ahalmena galdu eta leihotik salto eginda iritsiko zirela esan diet. Halaxe egin zuten eta lurrean aplastatu eta muki handi bat bezala geratu zen dena.
Pixka bat pentsatzen geratu nintzen eta gero jaki nuen zergatik nahi zuten IKT gela aurkitu. Bloga hobetu nahi zutenez eta IKTeroek sari garrantzitsu bat jaso dutenez, Sareko Argia saria, beraiei laguntza eskatzera joan nahiko zuten.
Azkenean pena pixka bat eman dit estralurtarrak hiltzea. A! Esan nahi dut IKTeroetan lan egiten duen bat nire irakaslea dela eta asko ikasten ari naizela blog horretatik.

|7 Iruzkin| zabaldu| del.icio.us| harpidetu|Gora   

Azkenean iritsi da elurra Ordizira!
Negu beroa izan da aurtengoa bai, hondartzara joateko modukoa. Esaten dute aurtengo beroa, berotegi efektuaren ondorioz sortu dela, baino nik orain ez dizuet naturako txapa sartu behar. Nire ustez norbaitek babarrun asko jan ondoren bota duen izugarrizko puzkarraren ondorioz eduki dugu horrelako beroa.
Baina azkenean iritsi da horrenbeste itxaroten genuen elurra! Izugarrizko jolas pila egin genuen elurretan: elurrezko panpinak egin, elurrezko piloten gerra egin, iraksleei ia-ia eman elurrarekin.
Irkasleei botatzean esaten ziguten:
- Suspentxo! Eta DBH2-n ere bai!
Baina gero, lehengoan erekutsi nizuen teknika egin genien irakasleei eta bikain bat jarriko zigutela esan ziguten. Esan nizuen teknika hori izugarria dela. Baina hau ez da guztia. Urrutitik, kotseei jotzea ere joaten ginen nahiz eta ia ez da bati jo.
Txarrena da ez duela elurra 50cm-etaraino iritsi eta ikastolara etorri behar izan dugu. Behintzat oraindik elurra badago eta gaur ere asko jolastuko dugu.
Kontuz ordizitik pasatzen bazarete elur bola bat jaso dezakezue!

|2 Iruzkin| zabaldu| del.icio.us| harpidetu|Gora   

Duela hiru egun izan zen abenduak 28 eta denok dakigun bezala, egun hau inuxente eguna da.
Egun honetan kristautasunak dioenez, Erodes izeneko errege maltzur batek, Jesusen jaiotzaren berri izan zuen. Bi urtetik beherako Belengo ume guztiak hiltzeko esan zuen, horrela Jesus ere hilko zelakoan baina berak dagoeneko ihes egin zuen Nazaretera.
Belenen hil ziren ume guztien oroimenez ospatzen da egun hau eta pobreentzako dirua jasotzen da. Baina goazen harira. Egun honetan ere, beste gauza polit bat egiten da: broma ugari! Nik egin nion bat nire aitari eta amua bete-betean irentsi zuen. Hau izan zen broma:
Nik nire izebaren telefono mugikorra hartu nuen eta nire aitari deitu nion. Aitak hartu zuenean, nik esan nion ertzain bat nintzela eta lapurretan harrapatu zutela. Berak esan zuen: NIRI! Azkenik nik esan nion nor nintzen eta parra egin zuen. Ona ezta?
Baina ni ez naiz egun hontan bromak egiten dituen bakarra. Badirudi egunkari batean, Urumea ibaiaren irudi bat jarri dutela baina bertan bale batekin eta albistea eman dute Urumea ibaian bale bat sartu dela esanez. Foto montaje bat izan da.
Zuek ere egingo zenituzten bromak ezta?
Baina gaur ere beste gauza bat esan behar dizuet. Urteko azken eguna dela eta hamabi mahats jan behar ditugula. Gainera, Ordizian San Silbestre korrika froga ospatzen da eta jende ugari aterako dela espero dugu. Aio!

|iruzkin 1| zabaldu| del.icio.us| harpidetu|Gora   

Orain dela gutxi enteratu naiz albiste batetaz:
Errekor gines berri bat hautsi dute. Munduko purorik handiena egin dute. Erretzea debekatu duten arren oraindik jendeak horrelako gauzak egiteko animoarekin jarraitzen du. Puroak, 30 metro ditu eta nik orain galdetzen dut: nork erre behar du horrelako puro bat? Ez dute erreko bi egunetan beste pertsona batek egin zuen bezela! Izan ere, egun batean, tipo batek 2 metroko puroa egin zuen eta bi egunetan erre zuen.
Atzo berarekin egon ginen, bi egunetan puroa erre zuenarekin, eta esan digu “pikatuta” dagoela eta 40 metroko puro bat egin behar duela, gero 40 egunetan erretzeko. Esan digunez, 50kg tabako eskatu ditu eta hemendik hilabetera hasiko da egiten puroa. Gainera begira zer esan digun:
- Esaiozue beste horri, bere puroa ipurditik sartzeko. Nik handiagoa egin behar dudala.
Beste pertsona “pikatuko” al da gure lagun hau bezala? Hori, hurrengo batean ikusi beharko degu. A! Eta ez erre!

|2 Iruzkin| zabaldu| del.icio.us| harpidetu|Gora   

Gaur izan dugun albisterik goxoena da hau, irakurle maiteok. Denok ezgutzen dugun sukaldari ospetsu batek, hau da nik, errezeta berri bat asmatu dut: Tortila ontto eta zainzuri trigeroekin ( ez dakit euskeraz nola idatzi esparrago trigero eta horrela idatzi det). Arzakek esan dit klaseak emateko berari, harrituta geratu da. Begira nola egiten den Arzk eta beste guztiak:
1. Zartagi batera olio pixkabat bota eta berotzen jarri.
2. Arrautzak puskatu eta tortila egiteko prestatu.
3. Zainzuriak zati txikitan egin eta zartagira bota.
4. Onttoak ere zartagira bota eta dena ondo nahastu.
5. Tortila bota eta dena ondo-ondo nahastu.
6. Plater batera bota eta on egin!
Albiste ikaragarria gaurkoa, dagoeneko errezetak arrakasta izan du eta taberna irikitzeko eskatzen ari didate.

|4 Iruzkin| zabaldu| del.icio.us| harpidetu|Gora   

Gaur egun historikoa izan da Japonen. Esaten dutenez, kale garbitzailerik onenak han daude eta hala dirudi, G. E. -koek, garbitzaileen elkartekoek, bertako langile bat izendatu dute munduko garbitzaile onena. Bere izena Yokito Kakita da. Gu G. E. -koengana joan gara eta esan digute, laster kirol berria egingo dutela: Garbitzaile lasterketa. Lasterketa honen helburua, ahalik eta txakur kaka gehien biltzea da. Esan digutenez, kirol hau 2008-ko Txinako, joku olinpikoetako ekintzen barne jartzea espero dute. Hau da gaurkoz.

|Iruzkinik ez| zabaldu| del.icio.us| harpidetu|Gora